vargjet e mia

Himni im


Mas hijeve të shtrembëta

Po mshefi zemërën e shqetësume

Që frikën i ka dritës

Dritës së bardhë , pa fund , pa skaj

ç'ma ndriu zemërën plot me faj

 

Mas pektut t'krenarisë

Po mshefi pëlqimin e bukunisë

Që si dritë po më kaplon

Ato rrobe po mi grisë

Me sëpatën e dashunisë

 

Mas mjeteve qëllimet po mshefi

Ma të nalta se hija në perëndim

Ma të mira se dielli në agim

Ma të shtrenjta se dashunia

Po mshefi idealet e mia

Që sa vijnë e më forcohen

Si ushtarë në armat shtohen

Zgjidhen ushtarët e lirisë

Nga prangat e robërisë...